ໃນວັນທີ 08 ພະຈິກ 2024 ອົງການປະກັນສັງຄົມແຫ່ງຊາດ (ອປຊ) ໄດ້ຈັດກອງປະຊຸມສະພາບໍລິຫານ ຄັ້ງທີ XV ຂອງຕົນຂື້ນ, ໃຫ້ກຽດເປັນປະທານໂດຍທ່ານ ນາງ ໃບຄໍາ ຂັດທິຍະ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ທັງເປັນປະທານສະພາບໍລິຫານ ຂອງ ອປຊ, ເຂົ້າຮ່ວມມີຮອງປະທານສະພາບໍລິຫານ, ຄະນະກໍາມະການ, ຄະນະອົງການປະກັນສັງຄົມແຫ່ງຊາດ ພ້ອມດ້ວຍຄະນະພະແນກເຂົ້າຮ່ວມຢ່າງພ້ອມພຽງ. ຈຸດປະສົງກໍ່ເພື່ອປຶກສາຫາລືຄວາມເປັນເອກະພາບກ່ຽວກັບບັນຫາທີ່ຕິດພັນກັບພາລະບົດບາດ, ຂອບເຂດສິດ ແລະ ໜ້າທີ່ຂອງສະພາບໍລິຫານ, ຮັບຟັງການລາຍງານຜົນຂອງການຈັດຕັ້ງປະຕິບັດບັນດາທິດຊີ້ນໍາຂອງກອງປະຊຸມສະພາບໍລິຫານຄັ້ງທີ XIV ແລະ ການລາຍງານຜົນຂອງການຈັດຕັ້ງປະຕິບັດບັນດາແຜນວຽກຈຸດສຸມທີ່ສໍາເລັດ ແລະ ວຽກງານຂໍ້ຄົງຄ້າງ ໃນ 09 ເດືອນຂອງປີ 2024 ແລະ ທິດທາງແຜນການທ້າຍປີ 2024 ທີ່ຈະຕ້ອງພ້ອມກັນປຶກສາຫາລືເປັນເອກະພາບໃນການຈັດຕັ້ງປະຕິບັດ.

ທ່ານ ນາງ ແກ້ວ ຈັນທະວີໄຊ ຫົວໜ້າອົງການປະກັນສັງຄົມແຫ່ງຊາດ ໄດ້ລາຍງານຜົນການຈັດຕັ້ງປະຕິບັດຂອງກອງປະຊຸມສະພາບໍລິຫານ ອປຊ ຄັ້ງທີ່ຜ່ານມາ ເຊັ່ນ: ຄວາມຮັບຜິດຊອບ ຂອງຄະນະກຳມະການສະພາບໍລິຫານ ປະກອບສ່ວນເຂົ້າໃນໜ້າວຽກຂອງແຕ່ລະພະແນກຂອງ ອປຊ ທີ່ຈະຕ້ອງມີການປັບປຸງນິຕິກໍາທີ່ກ່ຽວຂ້ອງເພື່ອຮອງຮັບການຈັດຕັ້ງປະຕິບັດດັ່ງກ່າວ ເປັນຕົ້ນແມ່ນການປັບປຸງມາດຕາ 85 ຂອງກົດໝາຍວ່າດ້ວຍການປະກັນສັງຄົມ ແລະ ປັບປຸງຂໍ້ຕົກລົງວ່າດ້ວຍການແບ່ງໜ້າທີ່ຮັບຜິດຊອບ ແລະ ຊີ້ນໍາ ຂອງຄະນະສະພາບໍລິຫານອົງການປະກັນສັງຄົມແຫ່ງຊາດ ສະບັບເລກທີ 0010/ສພ.ອປຊ ທັງນີ້ກໍ່ເພື່ອຍົກສູງວຽກງານຂອງບັນດາພະແນກການ ພາຍໃນ ອປຊ ຢ່າງໃກ້ສິດຂອງຄະນະກໍາມະການສະພາບໍລິຫານ, ການແກ້ໄຂບັນຫາການຈັດຕັ້ງປະຕິບັດອຸດໜູນປະກັນສຸຂະພາບທີ່ເປັນວຽກງານເລັ່ງດ່ວນ, ການສ້າງແຜນຍຸດທະສາດວຽກງານປະກັນສັງຄົມ, ການປະກອບຄໍາຄິດເຫັນຂອງຄະນະກຳມະການສະພາບໍລິຫານ ຕໍ່ຮ່າງປັບປຸງກົດໝາຍວ່າດ້ວຍການປະກັນ, ການແຕ່ງຕັ້ງຄະນະຊຸກຍູ້ວຽກງານໂຄສະນາປະຊາສໍາພັນຢູ່ຂັ້ນທ້ອງຖິ່ນ, ວຽກງານຂໍ້ມູນຂ່າວສານ ແລະ ເຕັກໂນໂລຊີ, ກົນໄກການກວດສອບພາຍໃນ ແລະ ກວດກາພາຍນອກ. ຈາກນັ້ນ ທ່ານ ນາງ ແວວມະນີ ຄໍາຜາຍ ຮອງຫົວໜ້າອົງການປະກັນສັງຄົມແຫ່ງຊາດ ໄດ້ລາຍງານໂດຍສັງເຂບກ່ຽວກັບຜົນຂອງການຈັດຕັ້ງປະຕິບັດກິດຈະກຳ ອປຊ ປະຈຳ 09 ເດືອນ ແລະ ທິດທາງແຜນການ 03 ເດືອນທ້າຍປີ 2024.

ພາຍໃນກອງປະຊຸມ ໄດ້ມີການປະກອບຄໍາຄິດຄໍາເຫັນຢ່າງກົງໄປກົງມາດ້ວຍຄວາມເປັນເຈົ້າການ ແລະ ຄວາມຮັບຜິດຊອບສູງຂອງຄະນະຜູ້ແທນ ເປັນຕົ້ນແມ່ນ ບັນຫາການໃຫ້ບໍລິການປິ່ນປົວສຸຂະພາບຢູ່ໂຮງໝໍ ທີ່ພາກສ່ວນກ່ຽວຂ້ອງຕ້ອງເລັ່ງໃສ່ປັບປຸງດ້ານນິຕິກໍາເພື່ອຄວາມເປັນເອກະພາບໃນການຈັດຕັ້ງປະຕິບັດ ແລະ ສ້າງຄວາມເພິ່ງພໍໃຈແກ່ສະມາຊິກ, ເພີ່ມທະວີວຽກງານກວດສອບ ໂດຍການປະສານສົມທົບກັບພາກສ່ວນກ່ຽວຂ້ອງ, ສືບຕໍ່ຍາດແຍ່ງການຊ່ວຍເຫຼືອທາງດ້ານງົບປະມານຈາກອົງການຈັດຕັ້ງສາກົນ ພ້ອມທັງແລກປ່ຽນດ້ານວິຊາການຈາກຜູ້ຊ່ຽວຊານຕ່າງປະເທດຢ່າງກົງໄປກົງມາ ເພື່ອນໍາມາພັດທະນາວຽກງານປະກັນສັງຄົມໃຫ້ດີຍິ່ງຂື້ນ, ການກໍານົດແຜນວຽກຈຸດສຸມໃຫ້ເໝາະສົມ ຮັບປະກັນປະຕິບັດຢ່າງມີຜົນສໍາເລັດ, ການສ້າງແຜນຍຸດທະສາດວຽກງານປະກັນສັງຄົມ ຄວນມີການກໍານົດເນື້ອໃນລະອຽດໃນແຕ່ລະດ້ານ ພ້ອມທັງມີການປະເມີນການຈັດຕັ້ງປະຕິບັດເປັນໄລຍະ, ມີການປະເມີນຄວາມຕ້ອງການຂອງຜູ້ປະກັນຕົນ ເພື່ອເປັນບ່ອນອີງໃນການພັດທະນາປັບປຸງລະບົບປະກັນສັງຄົມໃຫ້ສອດຄ່ອງກັບຄວາມຮຽກຮ້ອງຕ້ອງການຕົວຈິງຂອງສັງຄົມ, ການຫັນລະບົບໄປເປັນທັນສະໄໝຍັງເປັນສິ່ງທີ່ຈໍາເປັນ ແລະອື່ນໆ.

ໃນຕອນທ້າຍ, ທ່ານ ນາງ ໃບຄໍາ ຂັດທິຍະ ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ ປະທານກອງປະຊຸມກ່າວວ່າ: ທຸກໆຄໍາຄິດຄໍາເຫັນຂອງຄະນະກໍາມະການສະພາບໍລິຫານ ລ້ວນແຕ່ເປັນປະໂຫຍດ ມີຄວາມໝາຍຄວາມສໍາຄັນ ເພື່ອເປັນບ່ອນອີງໃນການສືບຕໍ່ຄົ້ນຄ້ວາປັບປຸງການຄຸ້ມຄອງບໍລິຫານລະບົບປະກັນສັງຄົມໃຫ້ເປັນລະບົບຄົບຊຸດ, ມີຄວາມຮັດກຸມຂື້ນກວ່າເກົ່າ ແລະ ປະກອບເຂົ້າໃນສອງເອກະສານໃຫ້ມີເນື້ອໃນສົມບຸນຍິ່ງຂື້ນ ຮັບປະກັນໃຫ້ການຈັດຕັ້ງປະຕິບັດວຽກງານຈຸດສຸມໃນທ້າຍປີ 2024 ຢ່າງມີຜົນສໍາເລັດ. ສໍາລັບບັນຫາເຄັ່ງຮ້ອນ ທີ່ພົວພັນເຖິງການບໍລິຫານຄຸ້ມຄອງວຽກງານປະກັນສັງຄົມ ແຕ່ສູນກາງລົງຮອດທ້ອງຖິ່ນ ກໍ່ຄື ການໃຫ້ບໍລິການປິ່ນປົວສຸຂະພາບ ຊຶ່ງພາກສ່ວນກ່ຽວຂ້ອງຕ້ອງໄດ້ຮີບຮ້ອນແກ້ໄຂ້ປັບປຸງຕາມການຕົກລົງຂອງສອງກະຊວງ ຕາມການປຶກສາຫາລືຂອງສະພາບໍລິຫານ ອປຊ ເພື່ອເປັນການປົກປ້ອງສິດຜົນປະໂຫຍດຂອງຜູ້ອອກແຮງງານ ແລະ ຜູ້ໃຊ້ແຮງງານ ຕາມແນວທາງຂອງພັກ ແລະ ນະໂຍບາຍຂອງລັດຖະບານໃນການສ້າງສັງຄົມສາມັກຄີປອງດອງສີວິໄລ ແລະ ຍຸດຕິທໍາ. ພ້ອມດຽວກັນນັ້ນ ປະທານຍັງໄດ້ຮຽກຮ້ອງໃຫ້ພະນັກງານປະກັນສັງຄົມຂັ້ນສູນກາງ ແລະ ທ້ອງຖິ່ນ ຈົ່ງພ້ອມກັນປັບປຸງການບໍລິການວຽກງານປະກັນສັງຄົມໃຫ້ມີຄວາມຄ່ອງຕົວ ແລະ ເປັນທີ່ປະທັບໃຈຂອງຜູ້ມາໃຊ້ການບໍລິການ ບໍ່ວ່າຈະເປັນ ການບໍລິການກັບທີ່ ແລະ ການບໍລິການເຄື່ອນທີ່ ໂດຍ ແນ່ໃສ່ຄໍາຂວັນ ການບໍລິການວ່ອງໄວ ໂປ່ງໃສ ສາມາດກວດສອບໄດ້ ແລະ ຫັນເປັນທັນສະໄໝ ແລະ ໃນປີ 2025 ເປັນປີມ້ວນທ້າຍຂອງການຈັດຕັ້ງປະຕິບັດແຜນພັດທະນາເສດຖະກິດສັງຄົມ 5 ປີ ຄັ້ງທີ 9 ວຽກງານແຮງງານ ແລະ ສະຫວັດດີການສັງຄົມ ເພື່ອເປັນບ່ອນອີງ ໃຫ້ແກ່ການຜັນຂະຫຍາຍແຜນງານໃນ 5 ປີຕໍ່ໜ້າ ຈຶ່ງຈໍາເປັນທີ່ສຸດໃນການຄົ້ນຄ້ວາປັບປຸງແບບແຜນວິທີການເຮັດວຽກຂອງສະພາບໍລິຫານ, ກົນໄກການປະສານງານ, ການມອບໝາຍຄວາມຮັບຜິດຊອບ ແລະ ຮູບແບບການປະຊຸມຂອງສະພາບໍລິຫານຂອງພວກເຮົາ ເນື້ອໃນກອງປະຊຸມແຕ່ລະຄັ້ງຈະຕ້ອງໄດ້ພ້ອມກັນລົງເລິກຄົ້ນຄ້ວາບັນຫາທີ່ເປັນບັນຫາເຄັ່ງຮ້ອນຕິດພັນກັບຄວາມຮັບຜິດຊອບຄວາມຕັດສິນໃຈຂອງສະພາບໍລິຫານ ສະເໜີໃຫ້ອົງການປະກັນສັງຄົມແຫ່ງຊາດ ຄົ້ນຄ້ວາກໍານົດແຜນປະຕິບັດງານໃນປີ 2025 ໃຫ້ຊັດເຈນທີ່ຕິດພັນກັບຄາດໝາຍສູ້ຊົນ ຕິດພັນກັບວຽກງານຈຸດສຸມ ຕິດພັນກັບບັນຫາທີ່ເຄັ່ງຮ້ອນຈະນໍາມາເປັນຫົວຂໍ້ປຶກສາຫາລືເຊັ່ນ: ການບໍລິຫານ, ການລົງທຶນ, ການຫັນເປັນທັນສະໄໝ, ການໂຄສະນາປະຊາສໍາພັນ, ການຂະຫຍາຍອັດຕາການປົກຄຸມວຽກງານປະກັນສັງຄົມ… ແລະ ທ້າຍປີ 2024 ຈະສາມາດພິຈາລະນາ ແລະ ຮັບຮອງແຜນປີ 2025 ໄດ້ໂດຍພື້ນຖານ.

The post ລັດຖະມົນຕີເນັ້ນ ໃຫ້ ອປຊ ໃຫ້ບໍລິການຄ່ອງໂຕ, ປອດໃສ, ກວດສອບໄດ້ first appeared on ການປົກປ້ອງສັງຄົມແຫ່ງຊາດ.

ເພື່ອເປັນການຢັ້ງຢືນທັງສະ, ຄວາມຮູ້ຄວາມສາມາດ ບົດຮຽນປະສົບການນໍາໃຊ້ອຸປະກອນ ຂອງນາຍຊ່າງຜູ້ສຳນານງານໃຫ້ທຽບເທົ່າພາກພື້ນສາກົນ, ມີການປະເມີນ ແລະ ອອກໃບຢັ້ງຢືນກ່ຽວກັບທັກສະສີມື ໃຫ້ກັບນາຍຊ່າງອີກດ້ວຍ.

ໃນວັນທີ 11 ພະຈິກ 2024ນີ້້, ທີ່ສະຖາບັນພັດທະນາສີມືແຮງງານ ໄດ້ມີພິທີ ປິດໂຄງການຝຶກແລກປ່ຽນວຽກງານອາຊີວະສຶກສາ ແລະ ພັດທະນາສີມືແຮງງານ ອາຊຽນ-ເກົາຫຼີ . ຊຸດຝຶກອົບຮົມຄັ້ງນີ້, ປະກອບມີ ສາຂາອາຊີບ ຊ່າງສ້ອມແປງລົດຍົນ ແລະ ບຳລຸງຮັກສາລົດຍົນ ໄລຍະການຝຶກ 3 ເດືອນ, ລວມມີພາກທິດສະດີ ແລະ ພາກປະຕິບັດຕົວຈິງ ການຝຶກແມ່ນພາຍໃນສະຖາບັນ 1 ເດືອນ ແລະ ຝຶກຢູ່ບໍລິສັດໂຄລາວ, Mitsubishi, BMW 2 ເດືອນ, ມີທັງໝົດ 7 ປະເທດເຂົ້າຮ່ວມ ແລະ ມີຜູ້ເຂົ້າຮ່ວມການຝຶກທັງໝົດ 25 ຄົນ, ຍີງ 3 ຄົນ, ເລີ້ມຝຶກມາແຕ່ວັນທີ່ 23 ສີງຫາ – 11 ພະຈິກ 2024 ຢູ່ທີ່ສະຖາບັນພັດທະນາສີມືແຮງງານ.

The post ພິທີ ປິດໂຄງການຝຶກແລກປ່ຽນວຽກງານອາຊີວະສຶກສາ ແລະ ພັດທະນາສີມືແຮງງານ ອາຊຽນ-ເກົາຫຼີ first appeared on ການປົກປ້ອງສັງຄົມແຫ່ງຊາດ.

ທ່ານພົງໄຊສັກ ອິນຖາລາດ ຮອງລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ ໄດ້ເຂົ້າຮວ່ມພິທີ ມອບ-ຮັບ ເຄື່ອງອຸບປະກອນ ສາຂາໄຟຟ້າໂອໂຕມາຕິກ ໃນການຊວ່ຍເຫຼືອລ້າ ຈາກມະຫາວິທະຍາໄລເຕັກນິກ ຢູນານ ຮ່ວມກັບ ບໍລິສັດເທັກໂນໂລຢີ່ ດ້ານການສຶກ ສາ ກວາງໂຈ ວີຄອມຈໍາກັດ ປະເທດ ສປ ຈີນ ໃນວັນທີ 12 ພະຈິກນີ້ ທີ່ສະຖາບັນພັດທະນາສີມືແຮງງານ.

ໃນພິທີດັ່ງກ່າວ. ທ່ານ ປອ ບຸນມາ ສິດທິໂສມ ຫົວໜ້າ ສະຖາບັນພັດທະນາສີມືແຮງງານ ໄດ້ລາຍງານຜົນການ ຮ່ວມມື ກັບມະຫາວິທະຍາໄລເຕັກນິກ ຢູນານ ຮ່ວມກັບ ບໍລິສັດເທັກໂນໂລຢີ່ ດ້ານການສຶກ ສາ ກວາງໂຈ ວີຄອມຈໍາກັດ ປະເທດ ສປ ຈີນ ກ່ຽວກັບການປູກຝັງທີ່ໃສ່ທັກສະສີມືລະດັບສູງ ໃນການຊ່ວຍເຫຼືອລ້າ ໃນວັນທີ 04 ກໍລະກົດ 2024ຜ່ານມາ ສອງຝ່າຍໄດ້ລົງນາມສັນຍາການຮ່ວມມືກັບມະຫາວິທະຍາໄລເຕັກນິກ ຢູນານ ຮ່ວມກັບ ບໍລິສັດເທັກໂນໂລຢີ່ ດ້ານການສຶກ ສາ ກວາງໂຈ ວີຄອມຈໍາກັດ ປະເທດ ສປ ຈີນ ກ່ຽວກັບການປູກຝັງທີ່ໃສ່ທັກສະສີມືລະດັບສູງ.

ໃນການຊ່ວຍເຫຼືອລ້າ ກ່ຽວກັບເຄື່ອງອຸປະກອນ ສາຂາໄຟຟ້າໂອໂຕມາຕິກ ຈໍານວນ 05 ຊຸດ ເປັນຈໍານວນເງິນ 1,338,400 ຢວນ ໃນການ ຊ່ວຍເຫຼືອລ້າ, ບູລິມະສິດລໍາດັບແຜນ ຍຸດທະສາດການຮ່ວມມືແບບເຊື່ອມສານເຂົ້າກັນ ໂດຍອີງໃສ່ມາດຕະຖານສາກົນກ່ຽວກັບອຸດສະຫະກໍາການສືກສາ ແບບ ສາມຝ່າຍ, ສາມາດຕອບສະໜອງໃຫ້ບັນລຸຕາມ ແຜນການ, ສັນຍາການຮ່ວມມື ລວມມີສາມຝ່າຍຄື: ຝ່າຍ (ກ) ມະຫາ ວິທະຍາໄລເຕັກນິກ ຢູນານ ( Yunan Technical College ) , ຝ່າຍ (ຂ) ສະຖາບັນພັດທະນາສີມືແຮງງານ ແລະ ຝ່າຍ (ຄ) ບໍລິສັດເທັກໂນໂລຢີ່ ດ້ານການສຶກສາ ກວາງໂຈ ວີຄອມຈໍາກັດ, ໂດຍຍືດໝັ້ນຫຼັກການຮ່ວມມືແບບ ໜຶ່ງແລ່ວ ໜຶ່ງເສັ້ນ ທາງ ໃນ ການພັດທະນາ ຊ່ວຍເຫຼືອຊື່ງກັນ ແລະ ກັນ ເພື່ອໃຫ້ບັນລຸຕາມຈຸດປະສົງເປົ້າໝາຍທີ່ວ່າງໄວ້, ການຮ່ວມມືສາມ ຝ່າຍໃນຄັ້ງນີ້ແມ່ນ ໄລຍະ 03 ປີ ຫຼັງຈາກນັ້ນຈະ ມີການ ປະເມີນຮ່ວມກັນ ນັບແຕ່ມື້ລົງລາຍເຊັນເປັນຕົ້ນໄປ.

ຈຸດປະສົງເປົ້າໝາຍຫຼັກໃນການຮ່ວມມືສາມຝ່າຍໃນຄັ້ງນີ້ ແມ່ນເພື່ອຜັນຂະຫຍາຍ ດ້ານການຮ່ວມມື ບົນພື້ນຖານ ແຜນຍຸດທະສາດ ຂອງສາມຝ່າຍໃນການເຊື່ອມສານ ດ້ານອຸດສະຫະກໍາການສຶກສາ ແລະ ການຮ່ວມມືສາກົນ, ອໍານວຍຄວາມ ສະດວກໃຫ້ແກ່ ການຮຽນ-ສອນ, ການຝຶກອົບຮົມ ແລະ ການປະເມີນສີມືແຮງງານ ສໍາລັບ ການແຂ່ງຂັນສີມືແຮງງານ ລະດັບໂລກ ໃນລະບົບເຄື່ອຄ່າຍຂໍ້ມູນສາຍເຄເບີນ ແລະ ການຕິດຕັ້ງໄຟຟ້າ, ພື້ນຖານການຝຶກອົບຮົມດ້ານດີຈີຕໍເພື່ອ ປູກຈິດສໍານຶກໃນລະດັບສາກົນການການປູກຝັງທີ່ໃຊ້ທັກສະ ແລະ ພອນສະຫວັນສີມືລະດັບສູງຂອງສາກົນ. ພັດທະນາການ

ຝຶກອົບຮົມ ແລະ ພາກປະຕິບັດຕົວຈິງ, ເພື່ອເພີ່ມທະວີຄວາມສາມາດທາງດ້ານການສິດສອນ ແລະ ນໍາໃຊ້ອຸປະກອນ ຂອງສາກົນ, ມີການປະເມີນ ແລະ ອອກໃບຢັ້ງຢືນກ່ຽວກັບທັກສະສີມື ໃນລະດັບສາກົນອີກດ້ວຍ.

The post ພິທີ ມອບ-ຮັບ ເຄື່ອງອຸບປະກອນ ສາຂາໄຟຟ້າໂອໂຕມາຕິກ ໃນການຊວ່ຍເຫຼືອລ້າ ຈາກມະຫາວິທະຍາໄລເຕັກນິກ ຢູນານ first appeared on ການປົກປ້ອງສັງຄົມແຫ່ງຊາດ.

ເພື່ອເປັນການເສີມສ້າງທັກສະ, ຄວາມຮູ້, ຄວາມສາມາດ ແລະ ແລກປ່ຽນບົດຮຽນ ລະຫວ່າງນັກແຂ່ງຂັນສີມືແຮງງານ ພາກລັດ ແລະ ເອກະຊົນ ດ້ວຍກັນ ແລະ ເປັນການຄັດເລືອກນັກແຂ່ງຂັນສີມືແຮງງານ ຜູ້ດີເດັ່ນ ຂອງສະຖາບັນພັດທະນາສີມືແຮງງານ ເປັນຕົວແທນ ເພື່ອເຂົ້າຮ່ວມແຂ່ງຂັນສີມືແຮງງານແຫ່ງຊາດ ຄັ້ງທີ 4.

ໃນວັນທີ 8 ພະຈິກ 2024ທີ່ສະຖາບັນພັດທະນາສີມືແຮງງານ, ໄດ້ຈັດກອງປະຊຸມສະຫຼຸບຖອດທອນບົດຮຽນໃນການຈັດຕັ້ງປະຕິບັດ ຜົນການແຂ່ງຂັນສີມືແຮງງານ ພາຍໃນສະຖາບັນພັດທະນາສີມືແຮງງານ ຄັ້ງທີ 1. ໂດຍເປັນປະທານຂອງ ທ່ານ ພົງສະຫວັນ ສຸລິວັນ ຮອງຫົວໜ້າສະຖາບັນພັດທະນາສີມືແຮງງານ, ມີບັນດາຂະແໜງການກຽ່ວຂ້ອງ, ຄູອາຈານ ແລະ ມີນັກແຂ່ງຂັນເຂົ້າຮ່ວມ.

ກອງປະຊຸມດັ່ງກ່າວ, ຍັງໄດ້ຮັບຟັງການລາຍງານ ການຈັດຕັ້ງປະຕິບັດຕາມແຜນການເຄື່ອນໄຫວວຽກງານແຂ່ງຂັນສີມືແຮງງານ ພາຍໃນສະຖາບັນພັດທະນາສີມືແຮງງານ ຄັ້ງທີ 1, ພ້ອມດວ້ຍຈຸດປະສົງ ເພື່ອສົ່ງເສີມການພັດທະນາສີມືແຮງງານໃຫ້ແກ່ບັນດາຊາວໜຸ່ມ, ຜູ້ເຂົ້າຝຶກ ແລະ ນັກສຶກສາ ທີ່ເປັນກຳລັງແຮງຂອງຊາດ ພາຍໃນສະຖາບັນພັດທະນາສີມືແຮງງານ, ວິທິຍະໄລ ແລະ ບໍລິສັດເອກະຊົນ, ໂດຍມີການຄັດເລືອກ ແລະ ມອບຫຼຽນລາງວັນໃຫ້ນັກແຂ່ງຂັນສີມືແຮງງານຜູ້ທີ່ຊະນະເລີດອັນດັບ 1, 2 ແລະ 3. ການແຂ່ງຂັນສີມືແຮງງານຍັງເປັນເວທີແລກປ່ຽນ ແລະ ຖອດຖອນບົດຮຽນເຊີ່ງກັນລະກັນ ທາງດ້ານບົດຮຽນອັນພົ້ນເດັ່ນ, ນະວັດຕະກຳ ແລະ ເຕັກໂນໂລຊີຕ່າງໆ ທີ່ມີການປ່ຽນແປງໄປຕາມຍຸກການຫັນເປັນອຸດສາຫະກຳ 4.0, ນອກຈາກນັ້ນ ຍັງເປັນການການຊຸກຍູ້ ສົ່ງເສີມໃຫ້ມີການຮ່ວມມືລະຫວ່າງພາກລັດ ແລະ ພາກເອກະຊົນຫຼາຍຂຶ້ນ ຊຶ່ງເປັນວຽກງານໜຶ່ງ ທີ່ນອນຢູ່ໃນວຽກງານການພັດທະນາຊັບພະຍາກອນມະນຸດ.

ການແຂ່ງຂັນສີມືແຮງງານພາຍໃນສະຖາບັນພັດທະນາສີມືແຮງງານ ຄັ້ງທີ I, ຈັດໄດ້ຈັດຂຶ້ນທີ່ ສະຖາບັນພັດທະນາສີມືແຮງງານ, ກະຊວງ ແຮງງານ ແລະ ສະຫວັດດີການສັງຄົມ. ໂດຍມີ 5 ສາຂາຊ່າງ ຄຶ: ສາຂາຊ່າງຕິດຕັ້ງໄຟຟ້າ, ສາຂາຊ່າງເວບເຕັກໂນໂລຊີ, ສາຂາຊ່າງ ກຣາບຟິກດີຊາຍ, ສາຂາຊ່າງຊ່າງໄມ້ ແລະ ສາຂາຊ່າງປຸງແຕ່ງອາຫານ.ມີນັກແຂ່ງຂັນເຂົ້າຮ່ວມທັງໝົດ 31 ທ່ານ, ຍິງ 9ທ່ານ. ໃນນັ້ນ, ນັກແຂ່ງຂັນສະຖາບັນພັດທະນາສີມືແຮງງານມີທັງໝົດ 15 ທ່ານ, ຍິງ 7ທ່ານ. ນັກແຂ່ງຂັນວິທະຍາໄລລາວວຽງ ເຂົ້າຮ່ວມແຂ່ງຂັນ ສາຂາຊ່າງເວບເຕັກໂນໂລຊີ ແລະ ສາຂາຊ່າງ ກຣາບຟິກດີຊາຍ ສາຂາລະ 2 ທ່ານ ລວມເປັນ 4 ທ່ານ, ຍິງ 2 ທ່ານ. ນັກແຂ່ງຂັນບໍລິສັດ ເອເຊຍການໄຟ້າ ຈໍາກັດຜູ້ດຽວ ເຂົ້າຮ່ວມ ແຂ່ງຂັນ ໃນສາຂາຊ່າງ ຕິດຕັ້ງໄຟ້າ 2 ທ່ານ, ຍິງ 0 ທ່ານ ແລະ ນັກແຂ່ງຂັນ ສູນພັດທະນາ ແລະ ທົດສອບສີມືແຮງງານເວດສະພົງ ເຂົ້າຮ່ວມ ແຂ່ງຂັນ ໃນສາຂາຊ່າງໄມ້ 1 ທ່ານ.

The post ກອງປະຊຸມສະຫຼຸບຖອດທອນບົດຮຽນໃນການຈັດຕັ້ງປະຕິບັດ ຜົນການແຂ່ງຂັນສີມືແຮງງານ ພາຍໃນສະຖາບັນພັດທະນາສີມືແຮງງານ ຄັ້ງທີ 1 first appeared on ການປົກປ້ອງສັງຄົມແຫ່ງຊາດ.

ພິທີ ມອບ-ຮັບ ເຂົ້າສານ ຈາກລັດຖະບານ ສປ ຈີນ 300 ໂຕນ, ຍີ່ປຸ່ນ 200 ໂຕນ ແລະ ສ ເກົາຫລີ 400 ໂຕນ, ລວມທັງໝົດ 902 ໂຕນ ຜ່ານໂຄງການຄັງແຮເຂົ້າສຸກເສີນອາຊຽນ+3 ເພື່ອຕອບໂຕ້ໄພພິບັດຢູ່ ສປປ ລາວ ຈັດຂຶ້ນໃນວັນທີ 7 ພະຈິກ 2024 ຕາງໜ້າມອບໂດຍ ທ່ານ ຈອງ ຢອງຊູ ເອກອັກຄະຣາຊະທູດ ສ ເກົາຫລີ ປະຈໍາ ລາວ, ທ່ານ ໂຄອີຊຸມິ ຊືໂຕະມູ ເອກອັກຄະຣາຊະທູດຍີ່ປຸ່ນ ປະຈໍາ ລາວ ແລະ ທ່ານ ລຽງ ຕ້າຈົ່ງ ທີ່ປຶກສາການເມືອງສະຖານທູດ ສປ ຈີນ ປະຈໍາ ລາວ ແລະ ຕາງໜ້າຮັບໂດຍ ທ່ານ ນາງ ໃບຄຳ ຂັດທິຍະ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ໂດຍມີ ພາກສ່ວນທີ່ກ່ຽວຂ້ອງ ເຂົ້າຮ່ວມ ເປັນສັກຂີພິຍານ.

ໂອກາດດັ່ງກ່າວ, ທ່ານ ນາງ ໃບຄຳ ຂັດທິຍະ ໄດ້ສະແດງຄວາມຂອບໃຈ ແລະ ຕີລາຕາສູງຕໍ່ 3 ປະເທດດັ່ງກ່າວ ທີ່ເຫັນໄດ້ຄວາມສຳຄັນ ໃນການປະກອບສ່ວນຊ່ວຍເຫລືອ ຕອບໂຕ້ໄພພິບັດ ຢູ່ ສປປ ລາວ ໃນຄັ້ງນີ້, ພ້ອມທັງຢືນຍັງວ່າ ຈະນຳເອົາເຂົ້າກິນດັ່ງກ່າວ, ໄປຊ່ວຍເຫລືອຟື້ນຟູຫລັງໄພພິບັດ ໃຫ້ເກີດປະໂຫຍດສູງສຸດ ກໍຄື ຊ່ວຍເຫລືອປະຊາຊົນ ທີ່ໄດ້ຮັບຜົນກະທົບຈາກໄພພິບັດທາງທຳມະຊາດ ຢ່າງທົ່ວເຖິງ. ພ້ອມນີ້, ຍັງຈະໃຫ້ປະຊາຊົນ ເຫັນໄດ້ເຖິງການຊ່ວຍເຫລືອຂອງລັດຖະບານ ສປ ຈີນ, ຍີ່ປຸ່ນ ແລະ ສ ເກົາຫລີ ທີ່ມີຕໍ່ລັດຖະບານ ສປປ ລາວ ຕະຫລອດມາ.

ທ່ານ ນາງ ໃບຄຳ ຂັດທິຍະ ກ່າວອີກວ່າ: ໃນປີ 2024 ນີ້, ສປປ ລາວ ໄດ້ຮັບຜົນກະທົບຈາກພາຍຸພະພິລູນ (Prapiroon), ພາຍຸຢາກິ (YAGI) ແລະ ພາຍຸຊູລິກ (SOULIK) ທີ່ພັດຜ່ານເຂົ້າ ສປປ ລາວ ສົ່ງຜົນກະທົບໂດຍກົງຕໍ່ກັບບັນດາແຂວງພາກເໜືອ, ພາກກາງ ແລະ ພາກໃຕ້ ຢູ່ 16 ແຂວງໃນຂອບເຂດທົ່ວປະເທດ ໄດ້ສົ່ງຜົນກະໂດຍກົງຕໍ່ພື້ນຖານໂຄງລ່າງ, ພື້ນທີ່ທໍາການຜະລິດ ແລະ ຊີວິດການເປັນຢູຂອງປະຊາຊົນ 133 ເມືອງ, 1.462 ບ້ານ, 54.108 ຄອບຄົວ, ຈໍານວນພົນ 255.023 ຄົນ, ຍິງ 116.545 ຄົນ, ບາດເຈັບ 32 ຄົນ, ເສຍຊີວິດ 12 ຄົນ ແລະ ສູນຫາຍ 1 ຄົນ, ລວມມູນຄ່າເສຍຫາຍທັງໝົດ 6 ພັນກວ່າຕື້ ກີບ ຫລື ປະມານ 300 ລ້ານກວ່າໂດລາສະຫະລັດ.

The post ມອບ-ຮັບ ເຂົ້າສານ 900 ກວ່າໂຕນ ຕອບໂຕ້ໄພພິບັດຢູ່ລາວ. first appeared on ການປົກປ້ອງສັງຄົມແຫ່ງຊາດ.